english version | добавить в избранное | сделать стартовой
byChess.info Шахматы в Беларуси
На главную | Календарь | Cтатьи | Форум | Магазин | Объявления | Ссылки | Тренеры |
Прислать новость
Заочники
Уроки шахмат
Композиция
Каiса on-line
ФИДЕ
Заочников
Национальный
Блиц-рейтинг
Беларусь шахматная
О Беларуси
 

RATING ALL.BY


Шахматы! - говорил Остап - Знаете ли вы, что такое шахматы? Они двигают вперед не только культуру, но и экономику! Знаете ли вы, что шахматный клуб четырех коней при правильной постановке дела сможет совершенно преобразить город Васюки?

[an error occurred while processing this directive]





КАІСА

"Наша Ніва", № 27. 22 ліпеня 2005 г.

І вечная вясна…

Турнір "Інаўтамаркет-оўпэн" - рэінкарнацыя колішняй "Менскай вясны" - стартаваў 9 ліпеня ў Цэнтры алімпійскай падрыхтоўкі. Арганізацыйны сход выявіў паўтары сотні ўдзельнікаў - "гросаў", майстроў і проста прыхільнікаў Каісы. Акрамя беларусаў, у змаганьне за прызавы фонд уключыліся ўкраінцы, расейцы, казахі, таджыцкі гросмайстар Фарух Аманатаў і дзяўчына-амэрыканка Ірына Зянюк. 18 ліпеня першым да фінішу прыйшоў беларус Аляксей Аляксандраў.

Імпрэзу ашчасьлівіў прысутнасьцю экс-чэмпіён сьвету Барыс Спаскі. 11 ліпеня ён таксама даў сэанс адначасовай гульні ў СДЮШАР-11. Рэдактар папулярнай маскоўскай газэты "Шахматная неделя" - постаць супярэчлівая, і напярэдадні сэансу шахматысты-габрэі з "Хэсэду" жадалі зладзіць яму абструкцыю за ліст, у якім Спаскі патрабаваў закрыцьця яўрэйскіх арганізацый у Расеі. Але ня зладзілі. Сэанс скончыўся перамогай Спаскага на 11 дошках з 16. Супраць Алега Мядзьведзева "кароль Барыс", зьбянтэжаны сілай хлапца, сеў гуляць сам-насам і давёў-такі яго да сьлёз.

У пачатку ліпеня ў сталіцы прайшоў і традыцыйны, чацьверты па ліку, мэмарыял Гаўрылы Верасава, упэўнена выйграны міжнародным майстрам Юр'ем Ціханавым (7,5 з 9). Другое месца - у Ігара Ратковіча, трэцяе - у чэмпіёна Магілёва, 16-гадовага Алега Кіслова (па 7 балаў). Пераможцам дасталіся грашовыя прызы - сёлета істотна павялічаныя.

У чэрвені Магілёў прытуліў VI міжнародны турнір на прызы гросмайстра Фёдарава, дзе гулялі дзіцячыя каманды зь Беларусі, Расеі, Латвіі. Гэтым разам дняпроўскімі набярэжнымі любавалася як ніколі багата юных шахматыстаў. Другі год запар першымі выйшлі школьнікі з Калінкавіч. У гэтым горадзе яшчэ з савецкіх часоў дзейнічае ўзорна-паказальны шахматны клюб, і вынікі здаюцца нам натуральнымі: дзе дбаюць, там і маюць.

Поглядам акінуўшы шлях, заўважым чэмпіянат Эўропы сярод шахматыстаў з абмежаванымі магчымасьцямі. Ён завяршыўся пару месяцаў таму ў польскай Вісьле, аднак ня быў агледжаны ў беларускіх друкаваных выданьнях. Андрэй Сьвятоха, інжынэр-праграміст з Гародні, якому 35 год, заваяваў бронзавы мэдаль, апярэдзіўшы мэтраў з вышэйшым рэйтынгам. Сп. Андрэй - неаднаразовы пераможца першынстваў краіны сярод інвалідаў, дасьціпны суразмоўца і камэнтатар сваіх партый. Ён пасьпяхова выступае і ў змаганьнях "здаровых" шахматыстаў. У наступнай партыі на 10-м ходзе беларускі гулец ужыў навінку - слон з f6 меўся ціснуць на d4… І "каменная сьцяна" устаяла, нягледзячы на ўварваньне ў лягер чорных чужой туры.

ВР

Аборнеў (Расея) - Сьвятоха (Беларусь).
Белавежа, 2003.

1. d4 e6 2. c4 f5 3. Кc3 Кf6 4. Кf3 d5 5. Сf4 c6 6. e3 Сe7 7. Сd3 0-0 8. 0-0 Кe4 9. Фc2 Кd7 10. h3 Сf6!? 11. Кd2 Фe7 12. f3 Кd2 13. Фd2 Kрh8 (калі 13...e5 14. de Сe5 15. Сe5 Фe5 16. cd, то ў чорных кепскі слон і слабая пешка) 14. cd ed 15. Тae1 Кb6 16. g4!? g6 17. Фh2 Тe8 18. Фc2 Кc4 19. b3 Кd6 20. Кa4 Тg8?! 21. Фc5 Кf7 22. Фе7 Сe7 23. e4 Сb4 24. ed! Сe1 25. Тe1 cd 26. Тe7 Kрg7 27. Сe5+ Kрf8 28. Сf6 g5 29. Тc7 Тg6 30. Сe7+ Kрg8 31. gf?! (пасьля 31. Кc3 Тc6 32. Кd5 fg 33. fg Тc7 34. Кc7 чорныя яшчэ павінны біцца за нічыю. Цяпер разьмены непазьбежныя) 31...Тc6 32. Тc6 bc 33. Кc5 Кh6 34. Кe6 Сe6 35. fe Тe8 36. Сg5 Тe6 37. Kрf2 Кf7 38. Сf4 Нічыя. (Заўвагі кандыдата ў майстры А. Сьвятохі).


ЯК БЫ ВЫ ЗГУЛЯЛІ?


У. Раманаў - Ю. Ціханаў. Менск, 2005.
Белыя атакуюць. Працягніце атаку.

Шахматыст у кангрэсе

44-гадовы Алесь Станішэўскі, шахматны трэнэр Фізкультурна-аздараўленчага цэнтру, што на вул. Бурдэйнага ў Менску, будзе прадстаўляць Фрунзэнскі раён на Кангрэсе дэмакратычных сілаў. Так вырашылі ўдзельнікі сходу 14 ліпеня.

Сп. Станішэўскі вядомы тым, што навучае дзяцей правілам шахмат па-беларуску.


Сэанс адначасовай гульні

Сэанс адначасовай гульні 19 ліпеня, дзе чытачы і аўтары "НН" на васьмі дошках выпрабоўвалі сілу міжнароднага гросмайстра ІКЧФ, шахматнага арбітра міжнароднай катэгорыі Зьмітра Лыбіна, скончыўся на карысьць сэансэра. Ганаровы госьць рэдакцыі атрымаў шэсьць перамог, дзьве партыі зьвёў унічыю. "Узмок", - вось і ўсё, што ён сказаў пасьля сэансу. Асабліва ўпарта супраціўляліся выхаванцы трэнэра Алеся Станішэўскага, не адпускаючы гросмайстра больш як тры гадзіны.



форум
спiс артыкулаў

Реклама

о проекте :: хостинг

Шахматная баннерная сеть
Дело помощи утопающим - дело рук самих утопающих.



Даже с ничтожными силами можно овладеть всей доской. Все зависит от каждого индивидуума в отдельности. Мы видим, что блондин играет хорошо, а брюнет играет плохо. И никакие лекции не изменят этого соотношения сил, если каждый индивидуум в отдельности не будет постоянно тренироваться в шашк... то есть я хотел сказать - в шахматы...